Evrópska vímuefnarannsóknin (ESPAD)

Evrópska vímuefnarannsóknin European School Survey Project on Alcohol and Other Drugs (ESPAD) er samvinnuverkefni fræðimanna í rúmlega fjörutíu Evrópulöndum. Meginmarkmið ESPAD rannsóknarinnar er að safna haldbærum samanburðargögnum um breytingar yfir tíma í vímuefnaneyslu evrópskra unglinga. Rannsóknin hefur farið fram á fjögurra ára fresti frá árinu 1995 og hefur Ísland tekið þátt frá upphafi.

Rannsóknin er unnin að tilstuðlan Evrópuráðsins og Forvarnarmiðstöðar Evrópusambandsins.  Nánari upplýsingar má finna á slóðinni http://www.espad.org

Alþjóðlegur gagnabanki ESPAD

Rannsóknarsetur forvarna við Háskólann á Akureyri hýsir alþjóðlegan gagnabanka ESPAD rannsóknarinnar. Fræðimenn hvaðanæva úr heiminum geta fengið aðgang að gögnum allra þátttökulanda ESPAD að uppfylltum ákveðnum skilyrðum.

ESPAD 2011

ESPAD rannsóknin var lögð fyrir í fimmta sinn á Íslandi í febrúar og mars 2011.

Nánari upplýsingar veitir stjórnandi rannsóknarinnar Ársæll Már Arnarsson prófessor við Háskólann á Akureyri.

Starfsmaður verkefnisins er Ingibjörg Elín Halldórsdóttir.